Songqhongqhotshe wezemvelo,
Sizwe senhlokomo,
Esinsundu ngombala,
Sibe mhloph' inhliziyo,
Umuhle Afrika omuhle
Bayakuhleka, Bayakuhleba,
Bath'uyisizwe sobumnyama,
Kodwa mina ngithi, hatshi akusilo iqiniso lelo, Zilamampunge lezondaba,
Bathi nxa besithela ngale kuyafuquzwana, Ngamangqemungqemu, lezibhakela kuyaliwa, Kubangwa umnotho wakho,
Besebedidwa yibuhle lobuntu benzalo yakho ,
Ezibiz' abantwana bomhlabathi ,
Hatshi ngoba sithand' umhlabathi kuphela, Kodwa kuyikuziqhenya ngobuyithi bethu,
Ungumaqhuzu ekugcineni inyamazana,
Sibala kuz'ezinhlan'ezingomaphum'ephethe kwezasendle ,
Indlovu yon' engasindwa ngumboko wayo, Usibongo sikaGatshen'uBoya beNyathi ,
uNdeti ,uNkukhu kayeneli ngob'umkhul' umuz' ekhaya,
Kwatsho khon' ukuth 'isidlulil 'iNdlov' enkulu
ISilwan'ibhubes' iNkosi yehlath'isibongo SikaSiband ,'udawudun' ,uVodloz' 'uBhongabesab' esaswel' amabala sayabik 'eNkosini ,sihamba 'sigxilagxila sibhekephansi, Bathi silamahloni ,kanti yikuzigqhaja ,
Ubhejan' ischitsha mlilo sehlath',
Osikhumba sakhe sehawu lamaqhaw' eNkosi yaBethwakaz' elingagwazwamkhonto ,
Nant 'uphondo lukabhejan' umankentshane lungithintile ngyesaba,
Ihlos'usosiqub'isigijimi sehlath'
Umangoy'omkhul'olenzipho zesilwan' 'omabalabal' alithang' amahle sangw'edlangamabal' ,
Empahla yayo yayimbathwa ngamakhos' omdabu,
Inyath'iNkomo yehlath' usibongo sikamdlul' Inyamazan 'elolaka lokulw'izivikela lokubulal'okolunya nxa ihlangana lomunt' igavulaka
Angisayiphath' eyezenjiwa ezingamatsh'aligug' enjiw' emhlabathini wakho Africa ,
Abant' umhlaba wonke bacecile ,
Ngemigexo lamaqabane enziwe ligolid',isiliva Ledayimani elivel' emhlabathini wakho,
Izindlu zezamende zakhiwe zafululelwa, ngamazenge, amaAsbestors lamatile, konke lokhu kuvel'emhlabathini wakho ,
Izihlahla zakho zingamaplank'okufulela ,
Zibuye zibaz'izithombe lemibaz' eqinileyo emihle yezihlalo lamatafula,
Ondlebe zikhanyilanga
Basuka le lale bezobuk' ubuhle bentaba zakho zokhahlamb' ezithunqinthuthu,lemifula yakh 'ehlokoma njalonj' ibhong'okwebhubes' empophoma zasevitoli lentaba zakh' eziqoqomel'emayezini kuhle kukamount Kilimanjaro ,singabala lize liyetshona umuhle Africa omuhle.
Ilotshwe nguLucky Ncube
