Harare, Zimbabwe – IPhalamende leZimbabwe limemezele ukuhlehliswa kokubonisana ngohlelo lweMali luka-2025, olwaluhleliwe ukuthi lube phakathi kuka-29 Mpandula laku-4 Mfumfu 2024.
Esitatimendeni esakhululwa izolo, iPhalamende latshela uzulu, izithunywa ezibalulekileyo, kanye labamaphephandaba ngokuhlehliswa kwalumsebenzi, lathi amalanga amatsha azamenyezelwa ngesikhathi esifaneleyo.
Lokhu kubonisana kubaluleke kakhulu ekwenzeni uhlelo lwezimali zesizwe, kuveza ithuba kuzulu kanye labo abathintekayo ukuthi baphatheke bathule imbono yabo mayelana lohlelo lwezimali oluzayo lwesizwe.
IPhalamende liphinde laqinisekisa uzulu ukuthi kuzaphiwa isikhathi eseneleyo sokubamba iqhaza kulumsebenzi obaluleke kakhulu kazulu, kanye lezindawo ezitsha zizaziswa nxa amalanga eseqediwe.
“Sixolisa kakhulu nganoma yiziphi inkathazo lokhu okungakudalela abathintekayo bethu ababalulekileyo,” kufundeka esikuthunyelelweni leso.
Ukubonisana ngohlelo lweMali kuyingxenye enkulu eluhlelweni lokwenza uhlelo lwezimali lweZimbabwe, okuhloswe ngakho ukubonisa ukubaluleka kokucaca lokuphathiswa kwezimali ngendlela ehlelekileyo.
