Umkhulu wezisebenzi (Chief of Staffs) zebandla leZimbabwe African National Congress(ZANC) Umnumzana Bhebhe uxwayise uzulu ukubana bangavoteli umuntu ngenxa yokuthi ukhuluma isilungu kumbe utshenile ugqoke isudu ebizayo kodwa kabavotele umuntu abamaziyo njalo ongasotsotsi.
Umnu Bhebhe ukhulume lawo mazwi ngeSonto emini ezitolo zakoBango eMpopoma lapho ilunga lalelo bandla uInnocent Zikwete Mbano abekhankasela khona isihlalo sePhamalende.
"Namhlanje silapha sihamba labo khansila lomeli wethu wePhalamende uMbano, bazolivula amehlo .Bantu bakithi ligalulile kangaka edubeni, sekufik' isikhathi sokuthi livul' amehlo lengqondo, livotele abantwabenu elibaziyo"
"Lingarojwa ngamasudu lesilungu, livotele umuntu elingamaziyo ngoba bazathatha imali zenu zamaCDF bebaleke.Votelani umuntu elimaziyo njalo owazi inhlupho zenu khona kuzakuthi lingafaka akwazi ukulincedisa" kutsho Umnumzana Bhebhe
Ekhuluma kuMkhosi ofanayo uInnocent Mbano ofisa ukumela iMzilikazi-Mpopoma ephalamende wathi:
Bantu bakithi mina ngihlala lapha eMpopoma, into engiyikhulumayo ngiyayazi, akeni siyekeleni ukwenziwa abantu abangacabangiyo, asifakeni abantwabethu, umuntu okwazi indubo zethu, abantu esibaziyo ukuthi sibaqoqodela ngaphi.Mhlaka 23 sicela livotele iZimbabwe African National Congress(ZANC), Innocent Mbano kuMP and Thomas Chikweremba kuCouncillor"
"Engingakusho yikuthi kuphelile ukuthembeka eMpopoma, iMpopoma yindawo yokuthi lokhe sakhulayo asizake sibelo MP oqeda iterm, bayasebenza 1 or 2 years benyamalale.Ngikhuluma nje lokhona khathesi dala wanyamalala.Mina ngiphakamisa isandla njengomntwana wenu ngiyalithembisa ukuthi angisoze ngibaleke ngingafika eHarare" kutsho uMnumzana Mbano
