Kusele insuku eziyisitshiyagalombili ukuthi izizilwane zeZimbabwe zikhethe okhansila, abameli bephalamende lomangameli kukhetho lwama General Elections olukhona mhla zingama tshumi amabili lantathu kuNcwabakazi.
Ocintisa ezimele yedwa kuWard 28 eCowdray Park koBulawayo yedwa uMnumzana Mehluli Ncube ofisa ukuba ngukhansila uthi uma uzulu wakuleyo ndawo engamvotela uzathuthukisa leli sigaba ngezinga eliphezulu kakhulu esebenzisana lozulu wonke kaWard 28.
"Njengomntwana wenu khonapha eCowdray Park ngithanda ukuzethula phambi kwenu njalo ngizithoba ngobu nono obukhulu ngidinga usekelo lwenu, ukumela isigaba sethu kuCouncil.Ngithethe lesi isinqumo kungoba ngibona ukusilela kwentuthuko esigabeni sethu.Engikukhangeleleyo ngeWard 28 yikuthuthukisa lesi sigabangezinga eliphezulu sisebenzelana ndawonye lozulu kaWard 28"
"Njengomuntu osebenza umsebenzi wensimbi ngizafaka amasefa emigelweni yamanzi ukwenqabela ukuvaleka kwemigelo.Okunye njalo ngikhangelele ukudinga indawo zezingadi ukuthi kuncediseke asebekhulile , izintandane labanye abaswelayo ezigabeni," kutsho uNcube
UMnumzana Ncube ophume kubandla leUZA uthi ukhethe ukuzimela yedwa emva kokunanzelela ukuthi kukhona okungahambi kahle kumabandla ezombusazwe.
